LA UNION – Maminsanen manen nga al-allokoyen ti Department of Health Center for Health Development – Ilocos Region dagiti nagannak nga ipa-deworm wenno ipa-purga dagiti annak wenno ubbing nga agtawen ti maysa agingga 19-anyos.
Ita a bulan ti Hulyo ket mangisayangkat manen ti DOH-CHD-1 iti deworming kadagiti probinsiya ditoy rehiyon uno a pakaibilangan ditoy probinsiya ti La Union.
Paset daytoy iti Deworming Month a programa ti gobyerno tunggal bulan ti Enero ken Hulyo iti kada tawen.
Daytoy ket tapno parmeken ken maprebentaran iti soil-transmitted helminth infections a gapwanan dagiti bulate wenno parasito.
Iti interview ti Bombo Radyo La Union kenni Dr. Rheuel Bobis, Medical Officer IV iti DOH-CHD-1, imbinsa-binsa na nu kasatnu a maka-ala ti bulate dagiti ubbing ken agtutubo.
Kabayatanna, impaganetget pay ni Dr. Bobis dagiti dakes nga epekto nu agtalinaed iti kaadda ti bulate wenno parasito iti bagi dagiti ubbing ken agtutubo.
Kinuna na a mangapektar daytoy iti salun-at, a nu mabaybay-an ket posible a mangigubway ti severe infectionS a mabalin a pakatayan ti maysa nga indibiduwal.
Daytoy pay iti makagapo iti saan a panag-dackel dagiti ubbing ken nakapsot a panunot wenno IQ.
