Awan pay ti inruar a komento ti Department of Justice (DOJ) wenno aniaman nga impormasyon iti laksid ti tension a napasamak iti Senado.
Iti agdama, ti kaudian a palawag ti DOJ ket maipapan iti kaadda laeng ti dua a wagas tapno sangwen ti International Criminal Court (ICC) warrant of arrest ni Senador Ronald “Bato” dela Rosa.
Segun kenni DOJ Spokesman Atty. Polo Martinez, daytoy ket iti panangisuko ti maysa nga indibidual iti international court wenno ti extradition a linaon ti RA 9851.
Agtultuloy met a pagsalsaludsodan ti media iti DOJ maipapan iti shooting incident idiay Senado, ngem awan pay ti nagbalin a sungbat ti ahensia.
Maibasar iti kauddian nga statement ti nasao nga opisyal, sungbatanda laeng dagiti pending questions iti umno a panawen.###
