Imbaga ti Department of Justice (DOJ) nga awan pay ti iggemda nga impormasion mainaig iti maipagarup nga arrest warrant ni Senador Ronald “Bato” Dela Rosa manipud ti International Criminal Court.
Segun kenni DOJ Spokesperson Atty. Polo Martinez, awan pay ti naawatda a detalye seknan ditoy.
Kabayatanna, kinondenar ti PDP iti maipagarup a warrant kontra kenni Dela Rosa. Segun kenni PDP Deputy Spokesperson Atty. Ferdinand Topacio, no pudno iti report ket maysa daytoy a panangbastos iti soberanya ti pagilian.
Immunan nga imbaga ni Interior Secretary Jonvic Remulla nga awan pay ti naawatda a warrant ngem maisagsaganan ti task force para iti posible nga operasion maibusor iti senador.
Ni Dela Rosa ket karaman dagiti dinakamat ti ICC a maipagarup a co-perpetrators iti kaso mainaig ti war on drugs ni sigud a Presidente Rodrigo Duterte.###
