Impasigurado ti Department of Justice (DOJ) iti kinasagana a bilinen manen dagiti otoridad nga ipatungpal iti aniaman nga ‘arrest warrant’ manipud iti International Criminal Court.
Segun kenni Justice Secretary Fredderick Vida, mangnamnama a nakasaganda iti ahensia a mangipaay ti kabarruan a direktiba iti Philipine National Police (PNP) ken National Bureau of Investigation (NBI) tapno agserbi iti nasao a warrant.
Kenunana a mandato daytoy ti ahensia isu a siguraduen nga ipatungpalda no kaspangarigan mangiruar ti kanayunan pay nga arrest warrant iti International Tribunal.
Maipalagip nga idi Sabado ket dinakamat ni NBI Director Atty. Melvin Matibag nga adda ti impormasion nga iggem da a mangibagbaga ti posibilidad a mangiruar manen iti ICC ti warrant.
Nupay kasta, nagkedkeden a mangibinglay ti statement maipanggep ditoy ni DOJ Secretary Vida agsipud ta saan na kayat ti ispekulasion.
Malaksid kenni Senador Bato Dela Rosa, karaman met kadagiti co-perpetrators daytoy ket da Sen. Bong Go, sigud a DOJ Sec. Vitallano Agirre II, former PNP Chief Oscar Albayalde ken dadduma pay.
Sangsangwen da iti ICC, kadua ni sigud a Presidente Rodrigo Duterte iti kaso a ‘crimes against humanity’ nga adda pakainaigan na iti programa a ‘war on drugs’. ###
