Pinaregta ti Department of Justice (DOJ) iti publiko a makipamaysa iti imbestigasion kadagiti insedente idiay Senado idi napalabas a lawas.
Iti waragawag ni Justice Secretary Fredderick Vida, al-allukoyen-na iti siasinoman nga addaan iggem a video wenno dadduma pay nga ebidensya nga isubmitir daytoy iti ahensia.
Segun ti sekretario, makatulong iti imbestigasion iti aniaman a beripikado wenno mabalin a maberipika nga ebidensya.
Nangbukel iti DOJ ti “Special Panel of Prosecutors” para iti komprehensibo a case buildup investigation dagiti pasamak.
Naikkan met ti agingga Miyerkules dagiti nabilin nga ahensia, karaman ti National Bureau of Investigation (NBI) ken Philippine National Police (PNP), tapno mangipasa ti inisial a report.###
