LA UNION – Inlawlawag ni Department of Justice Undersecretary Jesse Andres a saan a maipapan iti crimes against humanity iti linaun ti subpoena para kenni sigud a President Rodrigo Duterte.
Daytoy ket nu agpatulod ti subpoena iti ahensiya iti sigud a presidente, kagiddan ti ar-aramiden nga imbestigasyon seknan iti maipagarop a nalawa a pammapatay seknan ti war on drugs.
Inlawlawag ni Usec. Andres, kas panagtulnog iti ‘due process of law’, kasapolan a mapaayaban ti sigud a presidente ingkaso a makabukel iti DOJ ti reklamo a mabalin nga isango iti sigud a President.
Iti agdama kunana, agtultuloy iti panagkalap ti DOJ iti ebidensiya manipud National Bureau of Investigation, Philippine National Police, ken dadduma pay nga ahensiya tapno makabukel ti pormal a reklamo.
Nu mabukel iti reklamo, kasapolan a mapaayaban ti makaswan tapno maipaayan ti gundaway nga agpalawag.
Segun kenni Usec. Andres, daytoy iti kangrunaan a rason ingkaso a mapaayan wenno mapatulodan ti subpoena iti sigud a presidente ken saan a gaputi crimes against humanity
Immuna ti daytoy ke inrekomenda ti Quad Committee ti Kamara de Representantes iti panangidatag ti kaso kontra kenni sigud a PRRD ken iti sumagmamano a kaalyado na, kasaruno ti 13 a serye ti panagdengngeg.
iti kangrunaan a kaso a mabalin nga idatag iti sigud a aPresidente, segun iti Quad Comm, ket iti crimes against humanity ken genocide, maibasar iti maipagarop a rimwar ebidensiya kadagiti serye ti panagdengngeg .
