Impatad ni Department of Justice Assistant Secretary ken Spokesperson Mico Clavano a saan da a napakadaan iti insubmitir a ‘resignation’ ti agdama a direktor ti National Bureau of Investigation a ni Retired Judge Jaime B. Santiago.
Nilaglagip ni Clavano dagiti napintas a nabalinan na kas lider ti ahensya a nakayatan met ni Justice Secretary Jesus Crispin Remulla.
Nupay malidayan iti ahensya ket kinunana a ti panagretiro ti NBI Chief ket saanen nga agbaliw agsipud ta daitoy ket maysa nga ‘irrevocable resignation’.
Iti agdama ket saan payaleng a nalawag iti rason ti addang ni Santiago ngem kinuna ni Clavano a personal a desisiyon daitoy ti retirado a hukom.
Idi nadamag nu addan iti maisukat ti departamento a kasukat ni Santiago ket insungbat na a namaymayat nu daitoy ket manipud iti law enforcement cluster ti ahensya.
Inbinglay na a posible a ni Justice Undersecretary Jesse Andres ti temporario paylaeng nga agserbi kas ‘Officer-in-charge’ ti National Bureau of Investigation.
Iti biang met ni Justice Secretary Jesus Crispin Remulla, imbatad na a ti panangidutok ti ‘OIC’ ket awan iti pagpilpilian na.
Maipalagip a nangisubmitir ti ‘irrevocable resignation’ ni National Bureau of Investigation Director Jaime B. Santiago idi kallabes a nakalidayan ti adu a kameng ti ahensya ken iti publiko.
