LA UNION – An-anopen dagiti otoridad iti maysa a lalaki a matudtudo a nagtakaw ti Macbook Air Laptop, agbalor ti Php15,000 a kukua ti maysa a doktora, manipud iti ab-abangan na a kuwarto iti Sunset Bay Resort ti Brgy Canaoay, City of San Fernando, La Union.
Babaen iti panang-review dagiti otoridad iti ala ti CCTV footage, narupaan ken nabigbig da iti suspek, a ni Ginear Mangsat alyas Harold Fernandez, adda ti umno nga edad, residente ti Bakakeng Baguio City.
Iti met biktima ket ni Dr. Crissa Marie Pionela, 36, residente ti Brgy. Pulong Bulo, Angeles City, Pampanga.
Kadwa na nga agdag-dagus iti GuestRoom no. 11 ti nasao a resort iti asawa na a ni Joey Paul Pionela, 38-anyos.
Maibasar iti report, maipagarop a linukatan nga immuna ti suspek iti sliding window kalpasan na ket ginaw-at na ti doorknob ti kuwarto, tapno makastrek daytoy.
Maipagarop nga intaray na ti nasao a laptop a nakaikabil iti uneg ti cabinet.
Kagiddan ti pannakabigbig Iti suspek iti pannakadiskubre a siguden nga addaan daytoy ti kaso a theft ken robbery ditoy met laeng syudad ti San Fernando.
