Al-allukoyen ita ti Department of Labor & Employment Region 1 dagiti mangmangged a kumamang kadakuada nangruna dagiti saan nga makaaw-awat iti suweldo gaputi saan a panagbakuna.
Adda pakainaegan na daytoy iti mailunglungalong a “No vaccine, No pay” policy.
Iti pannakiuman ti Bombo Radyo La Union kenni Atty. Evelyn Ramos, awan pay iti naawatda a kapada nga reklamo mainaeg iti nasao a polisiya.
Immuna metten a kinuna ti DOLE a saanda nga umanamong iti nasao nga polisiya.
Nupay kasta, binalakadan iti nasao nga ahensya ti gobierno dagiti labor inspectors nga kitaen iti amin nga establishimento no adda kadakuada ti mangipatpatungpal iti nasao a polisya
