LA UNION – Aganay 420 a mannalon a miyembro ti Bued CIS Dam Irrigators Service Association; Inabaan Sur Planters Irrigators Association; ken Brownleaf Farmers Association iti matulongan babaen iti impaay kadakuada nga equipment a pangtalon ti Dept. of Labor and Employment (DOLE) Region 1.
Kabilang dagiti naipaay kadakuada a makina ket iti tallo a tractor nga agbalor ti P1,000,000 ken siyam a hand tractors nga agbalor met iti P750,000 agraman trailers.
Dagiti tractors ket naipaay iti sidong ti DOLE Integrated Livelihood Program (DILP).
Bayat a dagiti hand tractors ket babaen iti tulong ti lokal a gobyerno ti nasao nga ili.
Addaan daytoy ti tarigagay a mapalag-anan ti trabaho ken mapadur-as ti apit ken produksyon dagiti mannalon ken tulongan a mapasayaat ti kasasaad ti panagbiag dagitoy.
