Naminsan manen nga impalagip Department of Labor & Employment Region1 kadagiti employers ken business owners iti lokalidad nga obserbaran iti umno a panagbayad ti suweldo kadagiti empleyado kabayatan ti special non-working ken regular holiday ita nga aldaw a pannakarambak ti National Heroes Day.
Iti interview ti Bombo Radyo La Union kenni Dole region 1 Labor Communication Officer Justin Paul Marbella, inyunay-unay na ti palagip kadagiti employers iti umno a panagpasuwledo dagitoy kadagiti empleyado.
Impaganetget daytoy a base iti sidong ti labor code, nasken pay a bayadan dagiti employers manipud iti private sector dagiti empleyado da nga agreport iti trabaho da ita nga aldaw.
Sakbay iti daytoy ket nangipaulog ti Labor Advisory No. 15 series of 2021 ti Dole babaen kenni Dole Secretary Silvestre Bello III seknan iti kusto a panagbayad dagiti employers kadagiti mangmangged ita nga aldaw August 30 a naideklara kas regular holiday.
Kamaudiananna, nagyamanan ken dinayaw ni Marbella dagiti mangmangged ditoy lokalidad nga agserserbi ita kas bannuar iti pagilian nangruna dagiti frontliners ken economic essential workers iti katengngaan iti sangsangwen a pandemya a gubuay iti covid-19 gapu ti saan a maartapan marukod a kontribusyon dagitoy.
