LA UNION – Agsubli idiay White House, Washington D.C. ni Donald Trump kalpasan a nangabak a Presidente ti Estados Unidos iti naisayangkat nga eleksiyon idiay Amerika.
Napaspas dagiti pasamak, kas kapaspas iti pannakairuar ti resulta ti eleksiyon, a naisayangkat ti early voting idi Nobyembre uno ngem iti election day ket idi kalman, Nobyembre 5.
Tapno mangabak a presidente ti Amerika, kasapolan ti maysa a kandidato a makagun-od ti at least 270 electoral votes.
Banag a nagun-od ni Trump iti 277 electoral vote kontra iti 266 a nagun-od ni Harris.
Iti agdama, dopodop dagiti supporters ni Trump iti election night watch party ket makita ti panagi-innarakop dagitoy, napalagto pay ti dadduma gaputi ragsak iti nagbalin a resulta ti eleksiyon, ken adda pay ti nangipurwak ti MAGA hats iti ngato kas panangipamatmat ti panagballaygi dagitoy.
Agtultuloy ti panagsangpet dagiti bisita ni Trump iti convention center idiay West Palm Beach.
Kabayatanna, kalpasan ti uppat a tawen, maisubli iti sidong ti Republican party ti kontrol iti senado.
