LA UNION – Kadagiti cluster kas koma iti dormitoryo iti pagtataudan ti adu a kaso ti COVID 19 idiay pagilian a Singapore.
Iti pannakiuman ti Bombo Radyo La Union kenni Jennifer, OFW idiay Singapore ken tubo ti Purok 6, Barangay Sevilla, San Fernando City, La Union kinuna na a kaadwan ngamin nga agnanaed kadagiti dormitoryo ket Indiano ken Bangladeshi kadwa da iti naduma-duma a puli, a kaadwan ket construction ken cleaning workers.
Iti agdama, nairut pay laeng a maipatpatungpal dagiti annuruten iti agraraira a circuit breaker sadiay, partikular iti limitado a panagruar, panagsuot ti face mask, ken physical distancing.
Iti agdama, iti Singapore ket addaan ti 1,708 covid cases ken 15 dagiti natay gapwanan ti pandemic virus.
