Ad-adalen itan ti Department of Transportation (DOTr) ti posibilidad nga aramiden a public-private partnership (PPP) iti natantan la unayen a pannakaileppas ti Common Station project idiay EDSA, Quezon City nu kasta ket mapapapartaken iti konstruksiyon.
Segun kenni Transportation Secretary Vince Dizon, panggep da a rugian ti bidding ita a tawen ken target a maileppas ti proyekto inton tawen 2027, kasaruno ti panagrugrugi ti operasyon ti Metro Manila Subway ken MRT-7.
Inlawlawag pay ni Dizon a pinila da lattan iti PPP tapno maliklikan dagiti problema ken pannakatantan a kas iti sigud a kontrata iti BF Corporation ken ti Foresight Development a nakansela idi bulan ti Mayo gapo metlaeng iti kinapaot a pannakatantan na.
Immuna metten nga imbida ti ahensya ti Common Station nga agserbi kas dakkel a transit hub a mangkonektar kadagiti MRT-3, LRT-1, MRT-7, ken Metro Manila Subway. Addaan pay daitoy iti centralized concourse ken intermodal terminal para met kadagiti bus, jeep, ken taxi.
