BR LA UNION – Pinag-sumite ni Transportation Secretary Vince Dizon ti amin nga agdama nga Undersecretaries, Assistant Secretaries ken Directors nga agsumite ti courtesy resignation.
Daytoy iti linaun ti memorandum na tapno libre wenno nawaya nga ipatungpal na iti mandato nga intalek kenkuana ni President Ferdinand Marcos Jr.
Maibasar iti sumagmamano nga impormasyon, posible a mangdutok ni Dizon ti sumagmamano nga opisyal a nagtakem idi panawen ni sigud a Department of Transportation (DOTr) chief Arthur Tugade.
Maipalagip nga idi Enero ket naglosolos iti puwesto na ni Undersecretary for Rails Jeremy Regino ken nagbalin nga officer-in-charge ni Usec for Planning TJ Batan.
