Makaawat ti 200% wenno “double pay” dagiti empleyado ti private sector a sumrek iti trabaho inton bigat, Disiembre 25, Aldaw ti Paskua, segun ti Department of Labor and Employment (DOLE).
Maibasar iti Labor Advisory No. 17 a pinermaan ni DOLE Secretary Bienvenido Laguesma, dagiti empleyado nga agtrabaho iti regular holiday ket adda ti karbenganda nga umawat ti doble a sueldo para iti umuna a walo nga oras ti trabaho ken kanayunan a 30% no lumabes iti 8 hours.
Para met kadagiti empleyado a naibatog iti rest day, adda pay ti kanayunan a 30% iti 200% basic wage ken nangatngato iti bayad no addaan ti overtime.
Kabayatanna, dagiti empleyado a saan a sumrek iti trabaho iti kaaldawan ti paskua ket makaawat ti 100% a sueldo, basta simrek da wenno naka-leave with pay sakbay iti holiday.#
