LA UNION – Dead on arrival iti pagagasan ti mayasa a 51-anyos na tricycle driver kalpasan a naidungpar ti manmanehuenna a iti limmabas a kotse iti junction idiay Brgy. Damortis, Sto. Tomas, La Union.
Binigbig ti pulisia ti biktima a ni Alex Santiago, residente ti Brgy. Tanglag, Rosario.
Immuna iti daytoy, naamuan nga agturturong iti amianan a direksion ti kotse a minaneho ni Mervin Portales, 31-anyos, taga-Tarlac city idi simrek iti national highway ti tricycle agingga a napasamak ti panagdinnungpar dagitoy.
Naipurwak iti igid ti kalsada ti tricycle a nagbanag iti pannakasugat da Santiago ken ti pasaherona a ni Rudy Geneta, 25.
Agpada a naitaray iti ospital dagiti nakalugan iti tricycle ngem pimmusay met laeng ni Santiago.
Agtultuloy ita ti imbestigasion dagiti otoridad iti insidente.
