LA UNION – Sumangsango iti agtutuon a kaso ti maysa a negosyante kalpasan a nakakompiskar dagiti pannakabagi iti linteg dagiti droga ken igam manipud iti uneg ti pagnanaedanna a balay idiay Sitio Cantingan iti Barangay Quinavite, ili ti Bauang, La Union.
Nabigbig ti suspek a ni Wilfredo Laroco, 43, residente iti nasao a lugar.
Naammuan ti Bombo Radyo manipud iti Bauang Police, sakbay a makagteng iti nasao a balay iti raiding team a pakairamanan dagiti kameng iti Philippine Drug Enforcement Agency ket maipagarup a nakalibas ti nadakamat a suspek.
Babaen iti search warrant ng inyatnag ni Bauang, La Union Regional Trial Court Branch 67 Judge Ferdinand Fe ket inalikad dagiti pannakabagi ti linteg iti pagnanaedan a balay ni Laroco kasaruno ti pannakakompiskar iti dua a sachet a naglaon iti maatap a marijuana, maysa a sachet a naglaon iti maatap a shabu, pito bala para iti cal .45 a paltog, ken maysa a cal .38 revolver nga addaan iti dua a bala.
Kabayatanna, no pay maipagarup a naglibas ti suspek ket naidatagen idiay piskalya iti kaso a panaglabsing ti Comprehensive Firearms and Ammunition Regulation Act ken Comprehensive Dangerous Drugs Act kontra kenkuana.
