LA UNION – Naidatagen idiay piskalya ti agtutuon a kaso kontra ti maysa a surrendered drug personality a nakompiskaran iti droga ken bala babaen ti naisayangkat a search operation ti pulisya iti pagnanaedanna idiay Barangay Cantoria 4, ili ti Luna, La Union.
Nabigbig ti suspek a ni Albert Simon, 36, residente iti nasao a lugar.
Naammuan ti Bombo Radyo manipud iti Luna Police Station, babaen iti naiyatnag a search warrant ti korte ket inalikad dagiti pulis ti pagtaengan ti suspek kasaruno iti pannakadiskobre ti maatap a marijuana a nakakabil iti uneg ti balay ti posporo ken dua a bala iti cal .45 a paltog.
Ni Simon ket siguden a simmukot babaen iti Oplan Tokhang ti pulisya.
Kaso a panaglabsing iti Comprehensive on Dangerous Drugs Act ken illegal possession of ammunitions ti reklamo a sangsanguen ti suspek idiay piskalya.
