LA UNION – Arestado ti maysa a drug personality a maipagarup nga aglaklako iti droga idiay Barangay Sta. Rita, ili ti Aringay, La Union.
Nabigbig ti suspek a ni Melvin Aniciete Jr., 32, residente ti Barangay San Pedro, ili ti Agoo, La Union.
Iti report a nakalap ti Bombo Radyo iti Aringay Police Station, nakompiskar manipud iti ikot ti suspek ti maysa a sachet a naglaon iti maatap a shabu ken P500 a buy bust money.
Naammuan a ni Aniciete ket siguden a simmuko iti Oplan Tokhang ti pulisya.
Sumangsango iti kaso a panaglabsing ti Comprehensive on Dangerous Drugs Act ti nadakamat a suspek.
