LA UNION – Maisag-saganan ti kaso a panaglabsing iti R.A. 9165 wenno Comprehensive Dangerous Drugs Act of 2002, maikontra iti na-identify a drug personality, a natiliw iti naisayangkat nga anti illegal drug operation idiay Barangay Nagsaraboan Bacnotan, La Union.
Iti suspek ket nabigbig iti nagan Wilson Borja, 36, residente ti Barangay Bacsayan, San Juan, La Union.
Kas resulta iti operasyon, nakakumpiskar dagiti otoridad iti 2 a sachet ti maatap a shabu, cellphone a nausar iti transaction, P500 buy bust money ken motorsiklo.
Nupay kasta, nainget a piinaglibakan ni Borja a kukua na iti nakumpiskar a droga ken immatendar laeng daytoy iti awis kenkuana a birthday celebration iti nasao a lugar.
Kabayatanna, dismayado met iti barangay kapitan ti Nagsaraboan, a ni Edmund Nature, iti napasamak a pannakatiliw iti maysa a drug personality a dimmayo pay iti lugar da.
