LUNA, La Union – Agtaltalinaed a burburtiya iti pulisya iti napasamak a panangpapatay iti maysa a maipagarup a drug personality idiay Barangay Ayaoan, ili ti Luna, La Union.
Nabigig ti biktima a ni Dexter Lopez, 27, residente iti nasao a lugar.
Naammuan ti Bombo Radyo manipud iti Luna Police Station, sakbay ti pasamak ket agin-inom ni Lopez kaddua dagiti kakabagyanna.
Nagpakada a gumatang iti segarilyo ti biktima iti asideg a tarsena idi a paltugan daytoy iti dua a nakaabbungot a lallaki ken napartak a naglibas kalpasan iti krimen.
Naiturong iti kaaseggan nga ospital ni Lopez ngem nauyos met laeng ti biagna gapu iti nakaro a sugat iti nilakmanna gapu ti pammaltog.
Sigun pay iti pulisya, maipagarup nga adda iti pending cases ti biktima iti korte gapu ti pannakairaman daytoy iti droga ken pangidulin iti igam.
Iti agdama ket saan pay a makaited iti konklusyon dagiti police investigators maipapan ti napasamak, ngem saanda nga ipapaigid iti panagsukimat maipapan iti nakairamanan a kaso ti biktima.
