Temporaryo a naruk-atan manipud iti pagbaludan ti naaresto a drug personality kalpasan a nagpiyansa daytoy idiay ili ti Bauang, La Union.
Naammuan ti Bombo Radyo manipud ti Bauang Police Station, umabot iti P100,000 ti nagbayad kas piyansa ti akusado a ni Jefferson Cacam, 36, residente ti Barangay Paringao ti nasao nga ili.
Maipalagip, natiliw ni Cacam babaen ti naisayangkat a search operation iti balayna idi July 25, 2017.
Dua a sachet a naglaon iti marijuana ken dua pay a sachet a naglaon iti shabu iti nakompiskar dagiti otoridad manipud ti akusado.
Ni Cacam ket sigud nga OFW ken nakatuding koma nga agsubli idiay ballasiw-taaw tapno agtrabaho ngem napay gapu iti sangsanguenna ita a kaso.
