LA UNION – Maisagsaganan ti kaso a panaglabsing iti Comprehensive on Dangerous Drugs Act kontra ti maysa a lalaki a maipagarup nga aglaklako iti droga idiay Barangay Inabaan Norte, ili ti Rosario, La Union.
Nabigbig ti suspek a ni Ruben Grefalda, 48, residente iti nasao a lugar.
Naammuan ti Bombo Radyo iti Rosario Police Station, nakompiskar manipud iti ikot ti suspek iti dua a sachet a naglaon iti maatap a marijuana ken ti P200 a buybust money.
Iti agdama, dukduktalen met iti pulisya ti maipagarup a pangal-alaan iti suspek ti droga nga ilaklakona.
