LA UNION – Natay iti maysa a maatap a drug pusher, a maibilang newly identified drug personality, kalpasan a nakipinnaltog kadagiti otoridad a nangisayangkat ti buy bust operation idi rabii iti Barangay San Francisco, San Fernando City, La Union.
Nabigbig iti suspek iti nagan a Juna-em Darimbang, 29, addaan ti asawa, residente ti Barangay Cabaroan ditoy syudad.
Maibasar iti report, maipagarop a pinaputukan ti suspek dagiti otoridad nga isu metten ti nangpaltogan da kenni Juna-em.
Kas resulta, naglak-am ti suspek iti uppat a tama ti bala ti 9 mm puon ti dagus a nakatayan daytoy.
Nakumpiskar dagiti otoridad manipud iti suspek iti 2 a sachet ti maipagarop a shabu, cal. 38 a paltog ken maysa a motorsiklo.
Naamwan a dagiti ilaklako ni Balimbang a shabu ket aggapo-gapo idiay Taguig City.
