LA UNION – Burburtia pay laeng para iti pulisia ti napasamak a pammaltog iti maysa a drug serrenderrer idiay ili ti Tubao, La Union.
Naammuan ti Bombo Radyo kenni S/Ins. Juan Jhayar Maggay, hepe ti Tubao Police Station, agtultuloy pay laeng iti panangsukimatda maipapan iti gandat a panangpapatay iti biktima a ni Salvador Dacanay a karaman kadagiti drug surrenderer iti nadakamat nga ili.
Saan met nga ipapaigid ti pulisya iti imbestigasyon ti pannairaman iti biktima ti iligal a droga.
Agtaltalinaed pay laeng iti ospital ni Dacanay ken agpapaimbag gapu kadagiti nasagrapna a sugat iti bagina babaen ti pammaltog iti saan pay a nabigbig a ‘riding in tandem’ suspets kabayatan nga agmanmaneho daytoy iti traysikel idiay Barangay Garciati nasao nga ili. (Abs Flores)
