LA UNION – Arestado iti maysa a drug suspect a maibilang a High Value Individual iti insayangkat nga operasyon dagiti otoridad idiay Barangay Poblacion East, Rosario, La Union idi kalman, February 18, 2021.
Iti suspek ket nabigbig iti nagan a Glenn Janssen Sanchez, 31-anyos, residente ti nasao a barangay.
Babaen iti panangipatungpal dagiti otoridad iti Search Warrant Operation iti mismo a pagtaengan ti suspek, nakakumpiskar da iti 11 a pidaso ti Heat Sealed Transparent Plastic Sachets a naglaun iti maatap a dried marijuana leaves ken fruiting tops a mapatta-patta nga agdagsen ti 20 a gramo ken addaan ti market value a P2,400.00
Iti Search Warrant No. 35 ket inyisyu ni Acting Presiding Judge Bernadette B. Badecao- Abnasann ti MTC idiay Rosario, La Union, napetsaan ti February 10, 2021.
Iti suspek ket naipasidong iti custodfiya ti Rosario Police Station ken sumangsango iti kaso a panaglabsing iti RA9165.
