Impaganetget dagiti biktima ti war on drugs, a mas napat-pateg ti aktuwal a pannaka-arestar wenno panagsuko ni Senador Ronald “Bato” Dela Rosa iti International Criminal Court wenno ICC, ngem iti nakalatang a 50-milyon pisos a gunguna.
Segun kenni lawyer Gilbert Andres, rumbeng nga aramiden ti gobyerno iti amin nga addang tapno maipatungpal a nakapya iti arrest warrant kontra iti senador.
Impaganetget pay ni Andres, saan a rumbeng nga agbalin nga isyu iti legalidad ti reward, agsipudta adda iti linteg a mangipalubos iti panagsuko ti maysa a tao nga im-imbestigaran ti international criminal court a kas ti International Criminal Court.
Ninaganan dagiti prosecutor ti ICC ni Sen. Dela Rosa kas maysa kadagiti walo a maipagarop a co-perpetrator iti kampanya kontra droga a nakatayan iti rinibu a drug suspects ken drug users idi administrasyon ni sigud a presidente Rodrigo Duterte.
Aglem-lemmeng ni Dela Rosa sipud pay idi Mayo, idi gandaten dagiti otoridad nga iserbi iti warrant of arrest ti ICC kontra kenkuana gaputi kaso a crimes against humanity of murder.
