LA UNION – Agtultuloy iti panang-monitor ti Department of Social Welfare and Development (DSWD)-Region One kadagiti 4Ps benificiaries nga agar-aramid ti maikaniwas iti annuruten ti nasao a programa ti gobyerno.
Daytoy ti kinumpirma iti Bombo Radyo La Union ni Jaecem Gaces, Information Officer iti DSWD Regional Field Office One.
Maipalagip nga idi bulan ti Hunyo ti agdama a tawen, aganay 50 a benipisyaryo iti nailista ti departamento a ‘misbehave’ wenno agar-aramid ti mailabsing iti allagaden ti programa, kas koma iti panagsugal ken panangisalda ti ATM card.
Gaputi dayta ket naballaagan dagiti benipisyaryo nga agtultuloy a manglablabsing iti allagaden, a maikkat dagitoy iti listaan ti Pantawid Pamilyang Pilipino Program (4Ps).
