Inwaragawag ti Department of Social Welfare and Development (DSWD) Field Office 1 a mairugi ti pannakaiwaras ti Cash Relief Assistance (CRA) para kadagiti drivers ti Tricycle Operators and Drivers Association (TODA) iti siam a dadakkel a siudad ditoy Ilocos Region inton bigat, Abril 8, 2026.
Panggep daytoy a programa ti panangipaay iti dagus a tulong pinansial ken direkta a suporta kadagiti tricycle drivers tapno makatulong iti inaldaw a kasapulan ti pamiliada ken mangpadur-as iti pagbiagda.
Maangay iti payout Poro Covered Court, Siudad ti San Fernando, La Union,ken mangrugi iti oras nga alas 8:00 ti bigat.
Impaganetget ti DSWD Field Office 1 nga umawat dagiti kualipikado a driver ti TODA, ken adda dagiti drivers a saan pay makaawat iti subsidy gapu ta adda iti limitasyon.
Segun kenni Romualdo Dumagin, maysa trycicle driver dituy syudad ti San Fernando, maysa isuna kadagiti nagapply tapno makaawat, nangipasa kadagiti requirements, ngem saan a nailista ti nagan na.
Panawaganna a sapay kuma ket maikkan dagiti rumbeng nga maikkan gapu ta dakkel a tulong daytoy iti pamilyada.
Innayon pay ni Dumaguin, uray agtultuloy iti panagngato ti presyo ti petrolyo ken dadduma pay a gagatangen, ituloy da latta ti agpasada, dakkel wenno bassit man iti kitaen, makatulong daytuyen iti inaldaw a panagbyagda.
Para iti dadduma pay a detalye ken update, segun ti DSWD Field Office 1, para kadagiti awan ti nagan na a tricycle driver a makaawat ti Cash Relief Assistance, adda ti sumaruno nga aldaw para kanyada ngem awan pay iti eksakto a petsa.### (Report by Bombo Alphea)
