Nakasagana a mangipaay ti Department of Social Welfare and Development (DSWD) ti standard a basaran iti pumpon para kadagiti napapanglaw kas maibasar ti Free Funeral Services Act wenno Republic Act No. 12309.
Segun kenni Director Edwin Morata ti DSWD Crisis Intervention Program, mangituding iti ahensia ti standard a gatad ti burial assistance kalpasan a maaprobaran iti Implementing Rules and Regulations (IRR) ti nasao a linteg.
Inlawlawag met ni Morata a panggep ti linteg a maipaayan ti disente a panakaipumpon dagiti pamilya nga awan ti umdas a kwartana.
Sakop pay ti libre a serbisyo iti funeral parlors, chapel services, transportasion, cremation, ken burial.
Para met kadagiti agtarigagay nga agavail ti tulong, kasapulan nga agsubmitir ti valid ID, death certificate, funeral contract, ken social case study report manipud ti social worker.
Innayon pay ti opisyal a mabalin a maala ti pamilya iti tulong iti mismo nga aldaw ti aplikasion to kumpleton dagiti dokumento.###
