Mamati ti Department of Social Welfare and Development (DSWD) nga iti panagbaba ti poverty incidence iti Pilipinas manipud 15.5 percent agturong iti record-low a 9.7 percent idi 2023 ket pammaneknek nga epektibo dagiti programa ti Marcos administration tapno matulongan dagiti napanglaw a pamilya.
Maibasar daytoy iti 2025 data ti Philippine Statistics Authority (PSA).
Segun kenni DSWD spokesperson Assistant Secretary Irene Dumlao, positibo a development iti panagbaba ti poverty rate ken mangpanpaneknek nga epektibo iti whole-of-government strategy para iti poverty alleviation.
Partikular na a dinakamat dagiti flagship programs kas iti Pantawid Pamilyang Pilipino Program (4Ps), a nakapamaysa iti panangtulong kadagiti marigrigat ken vulnerable sectors.
Kenuna ni Dumlao nga ibilbilang ti DSWD iti resulta kas pammaneknek a makatultulong dagiti programa da kadagiti benepisiario.
Inkari met ti ahensia nga ad-adda pay a pasayaaten iti panangidanon ti social welfare services ad-ado pay a pamilya nga agkasapulan iti mabenepisiaran.###
