LA UNION – Naisaganan ti Department of Social Welfare and Development (DSWD) Field Office One iti aganay 7,334 family food packs a maibunong kadagiti pamilya nga agturong kadagiti evacuation centers ditoy rehiyon uno.
Kinuna ni DSWD-1 Information Officer Darwin Chan, naka-monitor da iti garaw ti bagyo Ulysses ken nakatutok da kadagiti lugar iti segundo distrito ti La Union, a posible a tamaan ti bagyo.
Ingkaso kunana a kumaru iti sitwasyon, nakasagana iti disaster response teams ti ahensiya a rumesponde kadwada dagiti na-activate metten nga emergency operation centers iti tunggal LGU iti intero a probinsiya ken rehiyon.
Kinuna pay ni Chan, adda iti aganay P6.6 milyon nga standby fund ti DSWD Field Office One para iti panagduprak ti bagyo Ulysses.
