Saan a kanunongan Department of Social Welfare & Development Rgion 1 ti “no vaccine, no ayuda” policy ti Department of Interior & Local Government.
Iti interview ti Bombo Radyo La Union kenni 4P’s focal person ken information officer Jaecem Gaces, kinunana a boluntaryo ti panagbakuna ken suportaran da no anyaman ti desisyon dagitoy.
Nupay kasta, agtaltalinaed ti nainget a kampanya ti DSWD Region 1 iti panagbakuna kontra Covid-19 nangruna kadagiti miyembro iti 4P’s.
Inlawlawag ni Gaces a makaawat latta ti subsidya ti maysa a 4P’s member uray saan daytoy a bakunado.
Adun kuna na ti nagpabakuna a 4P’s members iti rehiyon, a no sadinno maibasar iti datos ti DSWD Region 1, umabot itan ti 48, 816 ti bilang dagiti nabakunaan a 4ps members.
Innayon pay ni Gaces, kontribusyon da pay daytoy kinunana iti pananggun-od iti pagilian ti herd immunity.
Saan met nga agsarsardeng iti nadakamat nga ahensiya ti isaysayangkat da nga information dessimination campaign tapno ad-adu pay ti maallukoy nga agpabakuna.
Agtultuloy ita ti panangallukoy ti nasao nga ahensya ti gobierno kadagiti 4P’s members nga agpabakuna tapno naan-anay da a maprotektaran kontra iti virus.
