Mangrugin inton bigat, Marso 17, a mangipaay ti Department of Social Welfare and Development (DSWD) ti ₱5,000 cash assistance kadagiti public utility vehicle (PUV) drivers nga apektado iti ngumatngato a presio ti lana.
Segun ti ahensia, umuna a makaawat ti payout dagiti tricycle drivers idiay Metro Manila.
Agarup 139,000 a tricycle drivers iti National Capital Region ti mabenepisiaran iti umuna nga rollout ti gobierno.
Ti nadakamat a pondo ket manipud iti programa nga Assistance to Individuals in Crisis Situation (AICS) ti DSWD.
Inlawlawag ni DSWD spokesperson Assistant Secretary Irene Dumlao nga ibilangda dagiti drivers kas indibidual a sumangsango iti economic distress gapu ti agtultuloy a panagngato ti presio ti lana.###
