Nangisayangkat ti Department of Trade and Industry La Union iti Price Monitoring kadagiti Basic ken Prime Commodities kadagiti nadumaduma a supermaket ken groceries iti syudad ti San Fernando, La Union tapno maipanamnama ti umno a presyo wenno Suggested Retail Price.
Iti pannakiuman ti Bombo Radyo La Union News Team kenni Marissa Nonesa Officer in Charge ti DTI Consumer Proctection Division kinuna na a mangisaysayangkatda ti weekly Monitoring ken Monthly Monitoring kadagiti presyo.
Iti syudad ti San Fernando ditoy probinsya ti pangisaysayangkatda a weekly monitoring idinto a ti monthly monitoring da ket dagiti adda ti ruar ti syudad.
Kangrunaan na kuna na nga adda pagbaliwan na ti presyo ket ti Gatas, kape ken canned foods.
Innayon pay ti opisyal a saanda a mangidatag ti pannusa kadagiti aglabsing ti Suggested Retail Price ngem ketdi patulodanda laeng dagitoy ti Letter of inquiry.
