SAN FERNANDO CITY, La Union – Naminsan manen a nagpalagip ti Department of Trade and Industry (DTI) La Union Provincial Office kadagiti negosyante a suruten ti fair trade laws tapno maliklikan iti pannakamulta dagitoy.
Sigun kenni Senior Trade Industry Development Specialist Johannes Pal-laya, iti naudi a panangisayangkat dagitoy ti inspeksyon idiay ili ti Bauang ken Naguilian, La Union ket tallo manipud iti 100 business establishments ti naduktalan a naglabsing iti panagannurutan ti DTI idi laeng bulan ti Hulyo.
Napatawan iti penalty dagiti nasao a business establishments a saan a dimmalan iti standardization ti ahensya.
Iti ar-aramiden nga inspeksyon ti DTI kadagiti pagtagilakuan ket tapno maipanamnama a natalged dagiti produkto a mailaklako ken addan dagiti ti maiyanatop a presyo para kadagiti consumers.
