Nangipaay ti Department of Trade and Industry, Provincial Office ti uppat a pulo ket lima nga LIVELIHOOD KITS, kas paset pay laeng iti programa da a “PANGKABUHAYAN SA PAGBANGON AT GINHAWA BABAEN iti NEGOSYO CENTER SAN JUAN.
Iti nasao a programa ket parti pay laeng iti panangited da iti tulong kadagiti sobra a naapektaran ken nagserra iti business wennu pagbirukan da gapu pay laeng ti Covid-19 pandemic.
Adda uppat a pulo ket lima a napili nga benepisyaryo iti nadakamat a programa iti ahensya.
Dagiti nasao nga negosyo kit ket pakabuklan iti
-Sangapulo ket uppat (14) a FROZEN FOOD KITS
-Sangapulo ket maysa a (11) a Bigasan Kits
-Uppat a Fish Processing Kits (4)
-Ken Sangapulo ket Innem a Sari sari store kits (16)
Sakbay nga naipaima dagiti nasao a “LIVELIHOOD KITS” kadagiti napili a benepisyaryo, immatendar pay dagitoy iti “ENTREPRENEURSHIP SEMINAR” tapnu masurwan ken maipasigurado kadakuada nu kasatnu iti umno a panangipataray ti negosyo dagitoy.
Immatendar iti dakamat a awarding ceremony iti Technical Assistant of DTI La Union a ni Mr. Justo Miguel Gregorio ken ti Business Counselor iti Negosyo Center San Juan a ni Miss Arvie Marzo.
