Dagos a nangipatungpal ti Department of Trade and Industry (DTI) ti automatic price freeze kadagiti amin a kangrunaan a magagatang kalpasan nga indeklara ni Presidente Ferdinand “Bongbong” Marcos Jr. iti state of national calamity gapo ti perdision nga ingubuay ti Bagyong “Tino” idiay Visayas ken Mindanao.
Segun ti DTI, agtalinaed iti prize freeze iti uneg ti 60 nga aldaw tapno masigurado a saan a ngumato iti presyo dagiti kangrunaan a pagkasapulan kadagiti apektado a lugar.
Agtultuloy iti panaki-koordinar da kadagiti manufacturers, retailer, ken distributor tapno mapagtalinaed iti umdas a suplay dagiti kangrunaan a magagatang ken prime commodities.
Impasigurado ti ahensia nga dagiti regional ken provincial offices ket nakaalerto ken nakasagana iti panangipatungpal ken panangiwanwan iti panagsurot dagiti establisimiento iti price freeze.###
