Ikalkalikaguman ita ti DTI La Union a matulungan dagiti negosyante nga apektado ti bagyong maring ditoy probinsya.
Narugian itan ti profiling kadagiti micro small medium enterprises wenno msme’s a naapektaran ti bagyong maring idiay ili ti luna ken bangar.
Tarigagay daytoy nga addang a matulungan dagitoy bassit a negosyo a naapektaran ti bagyo idi napalabas a lawas a mairaman ti livelihood seeding program iti ahensiya.
Sipud idi nabukel daytoy a programa ket kangrunaanen a benepisaryo iti daytoy a programa ket dagiti negosyo a naapektaran ti pandemya ken bagyo.
Gagem pay ti programa nga ipaayan ti suporta dagiti kwalipikado nga indibidwal ken micro enterprises babaen ti panangipaay dagitoy ti livelihood starter kits a mabalin a pangnayon iti negosyo da wenno pangrugianan da.
Maysa daytoy kadagiti regular a programa iti nadakamat nga ahensiya nga agtultuloy da a papapigsaen tapno naananay a dumur-as ti negosyo dagitoy.
Malaksid iti dayta ket tarigagay pay daytoy a programa a pagbalinen nga independent ti ekonomiya ti maysa a barangay babaen ti pannakapapigsa dagiti potential dagitoy.
Tuloy tuloy itatta iti daytoy a programa iti dti tapno matulungan dagiti interesado nga agnegosyo ken mapadur-as ti panagbiyag da iti barangay babaen kadagitoy a livelihood starter kits.
Kabayatanna, iti sabali a bangir, agtultuloy ti nainget a panagbantay ti dti la union iti presyo dagiti kangrunaan a gagatangen iti merkado ken kadagiti supermarkets ditoy probinsya kalpasan ti iduduprak ti bagyong maring.
Umdas met kinunana ti suplay dagitoy a produkto, kinapudnona 4-6 weeks ti buffer stock kadagiti goods kadagiti pagtagilakwan.
