Inaprobaran ni Presidente Ferdinand Marcos Jr. ti dua a Petroleum Service Contracts (PSC) para kadagiti proyekto idiay Cebu ken Leyte, segun ti Department of Energy (DOE).
Ti Service Contract 89 idiay Cebu ket para iti panangisubli ti operasion ti Alegria Oil and Gas Field kalpasan ti tallo a tawen.
Mapatta-patta nga addaan ti 27.93 million barrels ti langis iti lugar, ken mabalin a 3.35 million iti mabalin a maala bayat a 6.6 billion cubic feet ti natural gas iti posible a marekober.
Manamnama a makaaramid daytoy ti trabaho ken mangpapigsa ti supply ti enerhiya idiay Visayas.
Kabayatanna, nakapamaysa ti Service Contract 90 idiay Leyte iti exploration ti natural hydrogen babaen ti panagadal iti ophiolite formations a posible a makapartuat ti hydrogen gas.
Segun kenni DOE Secretary Sharon Garin, paset daytoy ti agtultuloy nga addang ti gobierno tapno mapadur-as iti lokal nga enerhiya ken maksayan ti panagdependir iti maang-angkat a langis, kangrunaan iti tengnga ti pabaliw-baliw a presyo iti sangalubongan a merkado ti lana.###
