LA UNION – Balligi a nakemmeg iti dua a drug suspect iti inwayat a drug buy-bust operation ti San Juan Police Station, PDEA LUPPO ken PDEA-RSET idiay ili ti San Juan.
Nabigbig dagiti suspek isuda Arthur Galang y Bambasi, agtawen ti 38, pedicab driver kenni Ferdinand Marzo y Tajores, agtawen 54, awanan trabaho ken agpada a residente ti Pasay City.
Nakumpiskar kadagiti dua ti maysa a 0.4 a gramo ti heat sealed transparent plastic sachet a naglaon ti mapapapati a shabu nga aggatad ti 2,000 a pisos no sadinno nga isu ti maipagarop nailako iti nagpammarang a police pusher buyer.
Kasta pay a nakumpiskar kadakuada ti kanayonan a tallo a heat-sealed transparent a naglaon ti 12 a gramo ti shabu nga aggatad ti 81,600 a pisos.
Pakairamanan kadagiti nakumpiskar ket back pack bag, walo a pedaso ti 100 peso bill, maysa a cellular phone, maysa a kaha ti sigarilyo ken maysa a pitaka a naglaon ti lima a pedaso ti 100 US dollar, maysa a Malaysian Ringgit, fifty Peso bill, 20 Peso bill ken barbarya.
