Awan ti makita ti dadduma a lider ti Kamara a dakes wenno parikut no sertipikaren ti Senado ti transcript ti hearing a maipatulod iti International Criminal Court (ICC).
Ti nadakamat a hearing ket maipapan iti war on drugs nga inatendaran ken ni dati a Presidente Rodrigo Duterte ken inaklon na pay dagiti pammapatay a napasamak iti nadara a kampaniana kontra iti illegal a droga.
Impunto ni Deputy Majority Leader ken Voice Party-list Representative Jude Acidre a nangangay ti Senado iti public hearing a broadcasted live iti social media.
Immanamong met ni Assistant Majority Leader ken Ako Bicol Party-list Representative Jil Bongalon iti kinalukat ni Senate President Francis “Chiz” Escudero a mangsertipikar iti official transcript ti kastoy a pannakadengngeg no laketdi kunana a nga adda nainkalintegan a rason.
Mamati ti Bongalon a saan a maibilang a tulong ti panangipaay iti kopia ti transcript gapu ta addaan met ti ICC iti independent investigation.
