Mamati ni Senador Raffy Tulfo nga adda posibilidad nga umakar iti minoria ti dua a senador manipud ti majority bloc gapu iti saan a panagtutunos iti sumagmamano a mapaspasamak iti Senado.
Iti maysa nga interview ni Tulfo, kinunana a nadlawna ti saan a pannakapnek ti sumagmamano a miembro ti majority iti baet dagiti nabiit pay a tension ken isyu iti uneg ti upper house.
Segun iti senador, adda ti dua a miembro ti majority bloc nga arigna saan a komportable iti mapaspasamak maibasar iti aramid ken kababalinda, nupay saanna nga imbaga no siasino dagitoy.
Innayon na pay a naimpis laeng iti majority ken mabalin nga agbaliw iti balanse ti bileg iti Senado no adda dagiti senador nga umalis ti kampo.###
