Dua a ginggined iti dimmayeg iti kabaybayan nga asideg ti Balut Island, Sarangani, idi rabii, Enero 9, segun ti Philippine Institute of Volcanology and Seismology (Phivolcs).
Ti umuna a ginggined nga addaan ti kapigsa a magnitude 6.8 ket timmama agarup alas-10:58 ti rabii.
Segun ti Phivolcs, nasarakan iti epicenter 315 kilometer abagan-a-daya ti Balut Island ken addaan kauneg a 10 km.
Narikna iti ginggined idiay Malungon ken Kiamba idiay Sarangani; Koronadal City ken Tupi idiay South Cotabato; ken Palimbang idiay Sultan Kudarat (Intensity II).
Narikna met daytoy idiay Magsaysay, Davao del Sur; Sta. Maria, Davao Occidental; Nabunturan, Davao de Oro; Maitum ken Malapatan idiay Sarangani; Banga, Tampakan, T’Boli, Surallah, ken Santo Niño, South Cotabato; ken General Santos City (Intensity I).
Kalpasan ti 17 a minuto, napasarunuan daytoy ti magnitude 5.2 a ginggined a timmama agarup alas-11:15 ti rabii 350 km iti kapada a direksion, lokasion, ken kauneg.
Awan met ti manamnama a pannakadadael manipud kadagiti dua a ginggined kasta met iti aftershocks.###
