BR LA UNION – Arestado dagiti dua a babbai a wanted filipino apaman a simmangpet dagitoy idiay Ninoy Aquino International Airport (NAIA) Terminal 1 idiay Pasay City idi Setyembre 3, gapu iti agtutuon a kaso ti pananglim-limo a naidatag kontra kadakuada.
Natiliw dagiti dua a suspek iti coordinated operation nga insayangkat ti Philippine National Police (PNP) Aviation Security Group (AVSEGROUP), Criminal Investigation and Detection Group – Anti-Transnational Crimes Unit (CIDG-ATCU), ken dadduma pay a maseknan nga ahensiya.
Dagiti maak-akusaran ket naggapo da idiay Kuala Lumpur, Malaysia.
Nalapdan dagiti dua a wanted iti arrival area ken iti immigration processing.
Agtutuon nga arrest warrant ti naiserbi kadagiti akusado, gaputi kaso nga estafa, syndicated estafa, pagnaglabsing iti Securities Regulation Code, BP 22, ken dadduma pay a mainaig a kaso nga adda kaibatugan a piyansa.
Naiturn-over dagiti suspek iti CIDG-ATCU para iti naan-anay a dokumentasyon ken disposisyon.
