LA UNION – Sumangsango itan iti agtutuon a kaso ti dua a motorista idiay ili ti Bangar kalpasan a ginandatna a pasuksokan ti maysa a pulis a nangsitar kenkuana iti checkpoint.
Nabigbig dagitoy a da Romualdo Muñoz, 29-anyos, construction worker, ken ni Davit Maate, 21-anyos, taga-Anaaw, Alilem, Ilocos Sur.
Immuna iti daytoy, sinitar ti pulis iti checkpoint dagiti dua gapu ta saanda a nakasuot iti helmet ken mailasin a nabartek dagitoy.
Nupay kasta, ginandatda a pasuksokan ti pulis babaen ti panangtedda iti P500 tapno koma saanda a matiliw ngem ad-adda a naarestarda ken naibalud.
Malaksid iti panaglabsingda iti linteg-trapiko ket naituding pay a makasuan dagiti dua iti bribery.
