Dua nga estudiante ti natay, pakairamanan iti maipagarup a gunman, iti napasamak a pammaltog iti Ateneo de Zamboanga University Junior High School idiay Zamboanga City idi agsapa ti Martes, Agosto 18.
Pinasingkedan ti pagadalan dagiti dua a natay, idinto a kinuna ni Zamboanga City Mayor Khymer Adan Olaso a maysa kadagiti natay ket ti estudiante a nagpaltog.
Segun iti mayor, napasamak ti insidente agarup alas 8:30 ti bigat.
Iti inisial nga impormasyon ket adda ti imet ti suspek a paltog ken nagpaputok iti uneg ti kampus.
Kinuna pay ni Olaso a nagpakamatay ti mapapati a gunman kalpasan ti pammaltog.
Im-imbestigaran pay laeng dagiti otoridad dagiti detalye iti panagsasaruno dagiti pasamak.
Adda met dagiti umuna a report ti pannakadangran iti nasao nga insidente, agraman ti report a siam iti nasugatan, ngem saan pay a naibilang daytoy a maudi nga opisial a numero bayat nga agtultuloy iti beripikasion dagiti otoridad.
Dagus a nagresponde dagiti pulis iti pagadalan ket siniguro iti seguridad.
Segun ti Ateneo de Zamboanga, kontroladon iti sitwasyon ken natalged dagiti estudyante.
Kabayatanna, nagpanawagan iti gobierno siudad ti Zamboanga a saan nga agiwaras dagiti saan a beripikado nga impormasion, retrato, wenno video ti insidente bayat a maisaysayangkat iti imbestigasion.
Agtultuloy iti panagurnong dagiti polis ti ebidensia tapno maammuanda iti naan-anay a motibo ken pasamak sakbay, bayat, ken kalpasan ti pammaltog.
Maallukoy iti publiko a padaanan iti opisial nga statement ti pagadalan, gobierno siudad, ken dagiti autoridad para iti kanayonan nga update.
