Nagdinnungpar iti tangatang dagiti dua a fighter jets bayat a mangisaysayangkat ti air show idiay Idaho idi Dominggo, Mayo 17.
Pinasingkedan ti Gunfighter Skies Air Shoe a napasamak iti insidente asideg ti Mountain Home Air Force Base.
Segun iti report, natalged a naka-eject dagiti uppat a crew members dagiti dua nga US Navy EA-18 fighter jets usar ti parachute.
Maibasar kadagiti video online, nagdinnungpar dagiti dua a two-seat electronic warfare jets bayat a mangisaysayangkat ti aerial exhibition sakbay a nagsuwek iti ruar ti base ken bimtak.
Dagos a nai-lockdown ti Mountain Home Air Force Base ken kinansela iti nabatbati a paset ti air show. Awan met ti naipadamag a nasugatan kadagiti agbuybuya.###
