Pinasingkedan dagiti asideg a kabagian ni Dueñas, Iloilo Vice Mayor Aimee Paz Lamasan a pimmusay daytoy bayat a matamtaming iti ospital ita nga aldaw, Disiembre 31, 2025 gapu ti accidental firing.
Naipasidong iti maikadua na operasion ni Lamasan kalpasan a naglak-am ti tama ti bala iti makin-kannawan a paset ti tyan gapu ti maipagarup nga accidental firing iti uneg ti pagtaengan na idiay Puerto Real de Iloilo Subdivision, La Paz, Iloilo City idi kalman, Disyembre 30, agarup alas-7 ti bigat.
Segun iti report, dagos isuna a naiturong iti ospital ken naipasidong iti operasion tapno maisalakan iti biagna.
Nupay kasta, saan isuna a nakalasat iti komplikasion manipud iti sugat a nalak-am na.
Ti kellaat a pannakatay na ket nangigubuay ti nakaro a ladingit kadagiti kailian ken padana nga opisial iti probinsia.
Agtultuloy nga im-imbestigaran dagiti otoridad iti insidente tapno maammuan iti eksakto a napasamak iti uneg ti pagtaengan na.#
